अकबर र वीरबलको कथा(१४)-कसरी छोडे प्राण ?

 

एक दिन अकबर र वीरबल केही मानिस शिकारीहरू साथमा लिएर शिकार खेल्न वनतिर लागे। शिकारका खोजमा निकै टाढा पुगेछन् । यसै बीचमा बादशाहलाई बडो तिर्खा लाग्यो । संयोगले पानी खोज्दै दुवे जना एक इनार-नगीच पुगे । इनारका नजीकै छेउमा पधेरर्नीहरूल गाग्रो राख्ता परेको एक सानू खाल्डोमा अन्दाजी आधा छटाक पानी जमेको र त्यहीनेर स्यालका भाले पोथी मुर्दा भै पडिरहेको देखे। बादशाहले यताउता हरेर वीरबलसँग सोधे 

घाऊ देखिन अङ्गमा,

कसको लाग्यो बान । 

झट्ट बताऊ वीरबल,

कसरी छोडे प्रान ? 

यस्तो प्रश्न सुनी वीरबलले चारैतिर नजर बिछाए खाल्डोको पानी देख्नासाथ तिनले विचार गरे कि थोरै पानी देखेर तँ खाऊ, तिमी खाऊ’ भन्दाभन्दै माया गर्ने  भएका स्यालका भाले-पोथीले आफ्न ज्यान दिएछन ।यही कुरो पक्का ठानी बादशाहलाई जवाब दिए 

जल थोरै, माया निकै,

लाग्यो प्रीतको बान । 

खा तै, तिमी खाऊ भनी, 

दिए दुवैले प्रान ।। आफ्नू दोहाको जवाबमा यो माथि लेखिएको दोहा सुरेर अकबर बहुतै खुशी भई वीरबललाई आफ्नू सवा लाख रुपियाँको औठी बक्सिस दिंदा भए ।